話說有一日，有個好仆街既老總叫我搵人去替起一個同事，我問依個仆街老總咩事，條友話要同個同事食飯。我當然無理佢啦，因為個個人都話自己要食飯，要我搵人替起佢，咁我仲使編位既？
依件令我深思左一樣野，就係責任轉移問題。
如果果個要食圍飯既同事，自己搵左人同佢調，咁樣我都可以俾佢調，因為佢自己用佢既人情去調食飯位，咁係佢欠左同佢調位同事既人情，將來佢點樣還個人情係佢自己既事。但係如果係要指示我去搵人替起個同事，咁就係另一樣野，雖然結果一樣，但係過程絕對唔同。
首先，對方憑咩指示我？佢權力大過我？個同事有急切需要，佢自己搵唔到人？
第二，我去搵人替起佢，佢變相無左責任，因為係我指示另一人去替佢，另一人變左受我指示。如果當中發生咩事情，咁就係我既問題。
個仆街老總想冼我？其實唔係第一次。不過果個話要人替起佢既同事，處世仲係BB班，想將個責任移係我度？佢真係毛都未出齊。
所以官場真係好多陷阱，做決定之前真係要諗清楚前因後果。
做上級，唔能夠隨便講野，講左既野就要實行。
上級之所以能夠指揮，下命令領導下屬，就係因為佢可以得到訊息。訊息不平等就係上級既優勢，政策變動佢會預先知道，佢所下達既命令，一定係經過佢既深思熟慮，絕不能隨便講下。
因為佢有佢既權力，我地做下屬係跟上級指示，如果指示成既改變，下屬會無所適從。
事件實例：
話說今年農曆新年要借同事去第二度幫手，借左人手出去，自己隊伍就唔夠人手做野。所以上級就話，借人手外出既期間，隊伍平時做既野會取消，即係停擺。
然而，大家都覺得係咪真係會停擺呢？不過上級講得出黎，我地就信佢。
點知，到左借人手出去既時間，隊伍要做既野無減小到，同平時一樣。依個落差出現左，大家都有啲失望，影響左士氣。
結論就係，依個上級跟本話唔到事，佢無能力去令到工作停擺，咁不如唔好講會停擺，減小工作量。唔講反而大家都預左要做，而家個上級講左會減小工作量，反而實際係做唔到。依個就係誠信問題。
下次依個上級再下達命令，大家都唔會再相信，因為佢自己將自己既誠信破壞左。
